Albisteak 
Sasieta Mankomunitateak Portugalgo ordezkaritza zabal baten bisita jaso du edukiontzi “adimendunak” ezagutzeko
2023/03/24 | Birziklapena
Sasieta mankomunitateak Portugalgo ordezkaritza zabal baten bisita jaso du ostiral honetan, (martxoak 24), txartelarekin eta erabiltzaile-identifikazioarekin irekitzeko edukiontzi “adimendunen” funtzionamendua ezagutzeko.
Tweet
Sasietako transferentzia estazioak amaiera eman dio Gipuzkoako hiri hondakinak kudeatzeko zirkuituari
2022/09/20 | Birziklapena
GHK-k 2016. urteaz geroztik abian jarritako zortzigarren azpiegitura da Sasietako transferentzia estazioa. Gainera, Gipuzkoako Hiri Hondakinak Kudeatzeko Plan Orokorrak (GHHKPO) aurreikusten duen azkena da, Gipuzkoan sortzen diren hiri hondakin guztien kudeaketa jasangarria osatzeko (bilketatik hasita, tratatu eta berreskuratu arte).
Tweet
GARBIGUNEEN UDAKO ORDUTEGIA
2022/08/01 | Birziklapena
BEASAIN
ABUZTUKO LEHENDABIZIKO ASTEA GOIZEZ ZABALIK, 9:00-12:30.
PRIMERA SEMANA DE AGOSTO ABIERTO POR LA MAÑANA, 9:00-12:30.
ABUZTUAREN 8TIK 31RA ITXITA / CERRADO DEL 8 AL 31 DE AGOSTO.
ORDIZIA
ABUZTUAN OHIKO ORDUTEGIAN ZABALIK: 9:00-13:00 / 15:30-18:00.
AGOSTO ABIERTO EN HORARIO HABITUAL.
URRETXU
ABUZTUA: GOIZEZ IREKITA / AGOSTO: ABIERTO POR LA MAÑANA.
9:00-13:00
Tweet
BESTE URTE BATEZ, HONDAKINAK KITTO!
2021/11/25 | Murriztea, Birziklapena, Berrerabilpena
Abiatu da aurten ere ikastetxeei zuzenduriko Ingurumen-heziketa kanpaina. Dagoeneko 10. edizioa dugu hau. Iaz bezala, aurten ere, 33 ikastetxek eta 1500dik gora ikaslek parte hartuko dute kanpainan.
Urtero bezala garapen jasangarria landuko da eta guri dagokigun partetik, batez ere, hondakinetan jarriko da fokua. Lehen Hezkuntzan hondakinak gutxitzea, berrerabiltzea eta birzklatzea sustatuko da, eta Bigarren Hezkuntzan kontsumismoa, publizisten trikimailuak, azkenotan halako indarra hartu duen Black Friday-a, eta sare sozialen mundua ere aztertuko da (influencer, youtuber, etab.)
Zehastasun guztiak hemen azpian sakatuz:
http://www.sasieta.eus/euskara/kanpainak/hondakinak-kitto
Tweet
Sasieta mankomunitateko industrialdeetan ontzi arinak biltzeko zerbitzu berria.
2021/09/23 | Birziklapena
Tweet
HONDAKINAK KITTO!
2020/10/23 | Murriztea, Birziklapena, Berrerabilpena
Abiatu da Sasieta Mankomunitateak azkeneko 9 urtetan ikastetxeetan antolatu izan duen “HONDAKINAK KITTO” kanpaina. Aurtengoan, bizi dugun egoerak baldintzatutako neurri bereziekin bada ere, betiko muinari helduko zaio, eta hondakinen arazoaren irtenbidean ardaztuko da kanpaina Lehen Hezkuntzako eta Bigarren Hezkunzako ikasleekin. Guztira eskualdeko 22 ikastetxeetan banatzen diren 1.560 ikasle izango dira kanpainaren hartzaileak.
Bizi dugun egoera berezi honetan mankomunitateak aparteko ahalegina egin nahi izan du oinarrizkotzat jotzen dituen eskaintzak bermatzeko, eta, horien artean, zehazki, ingurumen heziketa.
Kanpaina hasi berri da eta abendura arte iraungo du. Informazio gehiago:
http://www.sasieta.eus/euskara/kanpainak
Tweet
EKAINAREN 1EAN EDUKIONTZI MARROIETAKO SARRAILAK AKTIBATUKO DIRA ETA TXARTELA BEHARKO DA
2020/05/26 | Birziklapena
COVID-19 dela eta, martxoaren 17n errefusa, organiko eta pixoihalentzako edukiontzietako sarrailak eta landa eremuetan dauden birziklaguneetako eta etxoletako ateak desaktibatu ziren, txartelik gabe noiznahi ireki ahal izateko.
Pixkanaka sarrailak berriro aktibatuko dira eta txartela beharko da edukiontziak irekitzeko.
Hasteko, ekainaren 1ean edukiontzi marroien sarrailak aktibatuko dira soilik. Oraingoz, edukiontzi grisak eta pixoihalenak irekita jarraituko dute jakinarazi arte.
Norbaitek txartela galdu baldin badu 943 16 15 55 telefonora lehenbailehen deitzea komeni da beste txartel bat bidaltzeko.
Tweet
KONPOSTAREN KALITATEA HOBETZEKO KANPAINA: KONPOSTA DOAN BANATUKO DA GARBIGUNEETAN
2020/05/26 | Birziklapena
Edukiontzi marroien sarrailak aktibatzearekin batera edukontzi marroietan binilo berezia jarriko da grafikoki bertan zer bota daitekeen eta zer ez argitzeko eta bide batez plastikozko poltsen ordez poltsa konpostagarriak erabiltzeak duen garratzia azpimarratzeko. Kanpaina honek kalitatezko konposta lortzea du helburu.
Aurten Sasieta mankomunitateak “Kalitatezko konposta zuri esker” lelopean iaz hasitako kontzientziazio kanpainarekin jarraituko du. Ekainaren 1etik aurrera, Gipuzkoan gaika bildutako materia organikoarekin egindako konposta doan banatuko da Urretxu, Beasain eta Ordiziako garbiguneetan.
Konpostarekin batera, garbigunera hurbiltzen direnei informazio-orria emango zaie bildutako organikoa txukun bereiztearen garrantzia eta organikoarekin egindako konpostaren kalitatea bereziki azpimarratuko dituena. Orriak organikoa bereizterakoan antzeman ohi izan diren ohiko akatsen inguruko informazioa ere jasoko du, hala nola, pixoihalak edo ontziratutako janaria botatzea, plastikozko poltsak erabiltzea eta abar. Konposta nola erabili behar den ere adierazten da.
Kanpaina hau euren etxebizitzetan edo komertzioetan egunero hondakinak txukun bereizten dituzten pertsona guztiei eskerrak emateko modua ere bada.
Hondakin sorkutza gutxitzeko garbigunera datozen herritarrek euren poltsa ekarriko dute etxetik.
Garbiguneko ordutegia hau da: astelehenetik ostiralera, de 9:00-12:30 eta 15:30 a 18:30ak bitartean eta larunbatean, 9:00 a 13:00ak bitartean.
Tweet
ARROPA BILKETA ZERBITZUARI BERRIRO EKINGO ZAIO
2020/05/19 | Birziklapena
Koronabirusaren hedapena saihesteko, martxoaren 31n bertan behera geratu zen arropa zaharren bilketa zerbitzua. Maiatzaren 25etik aurrera zerbitzuari berriro ekingo zaio.
Gizarte ekimeneko EMAUS Sozietate Kooperatiboak, arropa bildu eta sailkatzen duen entitateak alegia, zera eskatzen digu:
- Arropa platikozko poltsa itxietan sartu behar da.
- Ahal den neurrian arropa garbitu egin behar da.
- Oinetakoak eta arropa nor bere aldetik atera behar dira, beti ere poltsa itxietan.
- Alfonbrarik edo brukorik ez sartu arropa edukiontzian. Bolumen handiko etxeko traste zaharren bilketa zerbitzuak jasotzen ditu edo garbigunera eraman daitezke.
- Ez sartu berrerabili ezin daitekeen arroparik: azpiko arropa, garbitasuna egiteko trapuak... Hauek errefusa bezala tratatzen dira edukiontzi/kubo grisean.
Halaber, maiatzaren 25etik aurrera mankomunitateak 30 arropa edukiontzi berri instalatzen hasiko da zerbitzua indartzeko. Helburua 1.000 biztanleko arropa edukiontzia bat ratio lortzea.
Tweet
Emakumeen aurkako indarkeria desagerrarazteko eguna
2019/11/26 | Birziklapena
Sasietako mankomunitateko Goierri Garbiako langileek bat egin dute “Emakumeen aurkako indarkeria desagerrarazteko eguneko” ekimenarekin. Hau ikustarazteko hondakin-bilketan aritzen diren langileek txaleko moreekin lan egin dute. Argazkietan ikusi daitezke eguneko nahiz gaueko txandetako langileak txalekoekin.
Tweet
© 2023 Sasieta Mankomunitatea
Iturraldetxiki Industrialdea 3 | Salbatore auzoa | Beasain | Tel. 943 16 15 55 Fax. 943 16 06 04
Lege oharra | Irisgarritasuna | Kontaktua