Albisteak 
Seguran bakartuta/berrogeialdian daudenentzat oharra
2020/03/25
Positiborik gabeko edo bakartuta/berrogeialdian EZ dauden etxebizitzetan, hondakinen bereizketa beti egin ohi den moduan egingo da. Eta gogoratu: eskularruak, maskarak eta betaurrekoak ez dira inoiz edukiontzi horian sartu behar baizik eta errefusarentzako edukiontzian.
Aldiz, COVID-19 dela eta etxean bakartuta/berrogeialdian pertsonak dituzten etxebizitzetan, hondakinak ez dira bereiztuko eta denak errefusa bezala tratatuko dira. Horrelako kasuetan debekatuta dago birziklatzeko beste edozein frakzioren (organiko, ontzi, paper, beira, arropa) edukiontzietan sartzea edo inguruan uztea.
Seguran bakartuta/berrogeialdian dauden etxebizitzek kaskoan dauden pixoihalentzako edukiontzietan botako dituzte etxeko zaborrak poltsa itxi batean. Landa eremuan bizi direnek berriz, etxoletako kanpoko aldean jarritako pixoihalentzako edukiontzia erabiliko dute. Edukiontzi hauek denak irekita daude. Zaborrak ateratzeko laguntza behar izanez gero Gurutze Gorriko 943-161516 telefonora dei dezakezu edo goierri.voluntariado@cruzroja.es helbidera mezua bidali. Etxera joango zaizkizu zaborra jasotzera.
Sasieta mankomunitateko webgunean (www.sasieta.eus) berrogeialdian dauden etxeko hondakinen manipulazioari buruzko informazio garrantzitsua dago. Zalantzaren bat baldin badaukazu 943-161555 telefonora dei dezakezu edo bestela info@sasieta.eus helbidera mezua bidali.
COVID-19 dela eta, PAUSOZ PAUSO etxean bakartuta/berrogeialdian pertsonak dituzten etxebizitzetako hondakinak nola kudeatu.
2020/03/22
Transizio Ekologikoko Ministerioak, Osasun Ministeritzak emandako gomendioak jarraituz, COVID-19 dela eta, etxean bakartuta/berrogeialdian pertsonak dituzten etxebizitzetan sortutako hondakinak behar bezala kudeatzeko Jarraibidea eta Agindua eman ditu.
Etxean bakartuta/berrogeialdian pertsonak dituzten etxebizitzetan hondakinak ez dira bereiztuko eta denak errefusarentzako edukiontzira bideratuko dira. Hauek dira jarraitu beharreko pausoak:
Lehen pausoa:
Gaixo dagoen pertsonak sortutako hondakinak, gaixoak erabili eta botatzeko direnak barne (eskularruak, zapiak, maskarak) plastikozko lehen poltsan (1. POLTSA) sartuko dira, gaixoaren gelan jarritako zabor-ontzi batean (ahal dela, estalkia eta irekitzeko pedala duena).
Bigarren pausoa:
1. POLTSA behar bezala itxi eta gelan bertan irteeratik gertu egongo den plastikozko bigarren poltsan (2. POLTSA) sartuko da. Bigarren poltsa honetan gainera, zaintzaileak erabilitako eskularruak eta maskara sartuko dira eta behar bezala itxiko da gelatik irten baino lehen.
Hirugarren pausoa:
2. POLTSA etxean sortutako gaineratiko hondakinekin batera (organikoa, ontziak, papera, beira…) plastikozko hirugarren poltsan (3. POLTSA) sartuko da, eta behar bezala itxiko da.
Laugarren pausoa:
Aurreko hiru pausoak egin eta berehala eskuak sakonki garbituko dira, ura eta xaboiarekin, 40-60 segunduz gutxienez.
Azken pausoa:
3. POLTSA errefusarentzako edukiontzian bakarrik sartuko da. Erabat debekatuta dago birziklatzeko beste edozein frakzioren (organiko, ontzi, paper, beita, arropa) edukiontzietan sartzea edo inguruan uztea.
KARTEL honetan garfikoki ikus dezakezu.
COVID-19 dela eta, zer egin etxeko hondakinekin?
2020/03/22
COVID-19 dela eta, zer egin etxeko hondakinekin?
a) Positiborik gabeko edo bakartuta/berrogeialdian ez dauden etxebizitzetan, hondakinen bereizketa beti egin ohi den moduan egingo da. Eta gogoratu: eskularruak, maskarak eta betaurrekoak ez dira inoiz edukiontzi horian sartu behar baizik eta errefusarentzako edukiontzian.
b) Etxean bakartuta/berrogeialdian pertsonak dituzten etxebizitzetan ordea, hondakinak ez dira bereiztuko eta denak errefusarentzako edukiontzian bakarrik sartuko dira. Erabat debekatuta dago birziklatzeko beste edozein frakzioren (organiko, ontzi, paper, beita, arropa) edukiontzietan sartzea edo inguruan uztea.
Bakartuta/berrogeialdian zaudetenok hondakinak PAUSOZ PAUSO nola kudeatu behar dituzun zakiteko informazio zehatza albiste honetan daukazu.
Informazio guztia Eusko Jaurlaritzako Osasun Saileko dokumentu honetan eta grafiko honetan daukazu.
ZERTAN BEREIZTEN DIRA KONFINAMENDUA ETA BERROGEIALDIA (BAKARTZEA)?
2020/03/21
KONFINAMENDUA alarma-egoera ebazten duen Gobernuaren dekretuak ezartzen du herritar GUZTIENTZAT. Konfinamenduak irauten duen bitartean baimendutako kasuetarako soilik etxetik atera ahal izango da, hala nola erosketak egiteko, medikuarengana joateko, farmaziara joateko, zaborra ateratzeko, kutxazain automatikora joateko, txakurra paseatzera ateratzeko etab.
Aldiz, osasun-langileek ezarritako berrogeialdian dauden pertsonek, COVID-19rako positibo eman dutelako edo haiekin kontaktu estuan egon direlako, EZINGO dute etxetik irten gaixotasunak irauten duen bitartean.
Berrogeialdian/bakartuta dauden pertsonek hartu beharreko neurriak honako hauek dira:
Etxean bakarturik egoteko neurriak
Etxean bakarturik egoteko neurrien kartela
ARAMA. SASIETA MANKOMUNITATEKO INFORMAZIO-OHARRA (COVID-19)
2020/03/18 | Atez ate
Sasieta mankomunitateak koronabirusaren hedapena saihesteko eta bilketako langileen osasuna babesteko, besteak beste, ondorengo neurriak hartu ditu.
Neurri hauek Araman, atez ate biltzen diren hondakinen bilketan betetzeko dira.
1) Errefusa eta organikoa, behar bezala sailkatuta, KUBOTAN SARTUTA aterako dira soilik. DEBEKATUA dago poltsak zintzilikatzea edota lurrean uztea.
2) PIXOIHALAK dituztenek, kuboarekin batera atera ordez, kaskoan behin behinean espreski jarriko diren PIXOIHALENTZAKO EDUKIONTZI BEREZIETAN sartuko dituzte:
- Kale Nagusia
- Atari
ITSASONDO. SASIETA MANKOMUNITATEKO INFORMAZIO-OHARRA (COVID-19)
2020/03/18 | Atez ate
Sasieta mankomunitateak koronabirusaren hedapena saihesteko eta bilketako langileen osasuna babesteko, besteak beste, ondorengo neurriak hartu ditu.
Neurri hauek Itsasondo kaskoan, atez ateko bilketa zerbitzua duten eremuetan betetzeko dira.
1) Hondakinak behar bezala sailkatuta KUBOTAN SARTUTA aterako dira soilik. DEBEKATUA dago poltsak zintzilikatzea edota lurrean uztea.
2) PIXOIHALAK dituztenek, kuboarekin batera atera ordez, kaskoan behin behinean espreski jarriko diren PIXOIHALENTZAKO EDUKIONTZI BEREZIETAN sartuko dituzte:
- Udaletxe eta frontoi artean
- Beiti kalean
- Beheko kalean, elkartearen parean
- Aparkalekuko birziklagunean (atea irekita dago eta txartelik gabe sar daiteke).
SEGURA. SASIETA MANKOMUNITATEKO INFORMAZIO-OHARRA (COVID-19)
2020/03/18 | Atez ate
Sasieta mankomunitateak koronabirusaren hedapena saihesteko eta bilketako langileen osasuna babesteko, besteak beste, ondorengo neurriak hartu ditu.
Neurri hauek Segurako kaskoan, atez ateko bilketa zerbitzua duten eremuetan betetzeko dira.
1) Hondakinak behar bezala sailkatuta KUBOTAN SARTUTA aterako dira soilik. DEBEKATUA dago poltsak zintzilikatzea edota lurrean uztea.
2) PIXOIHALAK dituztenek, kuboarekin batera atera ordez, kaskoan jarritako PIXOIHALENTZAKO EDUKIONTZI BEREZIETAN sartuko dituzte:
- Aitzgorri
- Beheko soroa
- Goiko arrabal
- Kultur etxeko aparkalekuan
- Zerkalde, beheko aldean
Edukiontzi hauek IREKITA daude eta TXARTELIK GABE erabilki daitezke.
ZALDIBIA. SASIETA MANKOMUNITATEKO INFORMAZIO-OHARRA (COVID-19)
2020/03/18 | Atez ate
Sasieta mankomunitateak koronabirusaren hedapena saihesteko eta bilketako langileen osasuna babesteko, besteak beste, ondorengo neurriak hartu ditu.
Neurri hauek Zaldibiko kaskoan eta atez ateko bilketa zerbitzua duten eremuetan betetzeko dira.
1) Hondakinak behar bezala sailkatuta KUBOTAN SARTUTA aterako dira soilik. DEBEKATUA dago poltsak zintzilikatzea edota lurrean uztea.
2) PIXOIHALAK dituztenek, kuboarekin batera atera ordez, kaskoan behin behinean espreski jarriko diren PIXOIHALENTZAKO EDUKIONTZI BEREZIETAN sartuko dituzte:
- Marihaundiñe aurrean
- Farmazia aurrean
- Plazan, Joxepane eta Estanko artean
SASIETA MANKOMUNITATEKO INFORMAZIO-OHARRA COVID-19
2020/03/17
Eusko Jaurlaritzak emandako gomendioak aintzat hartuta, Sasieta mankomunitateak koronabirusaren hedapena saihesteko, besteak beste, ondorengo neurriak hartu ditu.
HONDAKINEN BILKETA ZERBITZUAK:
Hondakinen bilketa zerbitzu guztiak normaltasunez emango dira, atez ateko zerbitzua barne. Bertan behera geratzen da bolumen handiko etxeko traste zaharren bilketa zerbitzua. Deia luzatzen zaie herritarrei, hondakin hauek etxean gorde eta kalera atera ez ditzaten.
Dena dela ALDAKETA bat egingo da: errefusarentzako, organikoarentzako, eta pixoihalentzako edukiontziak eta landa eremuetako birziklaguneetako ateak desblokeatu eta txartelik gabe egunero noiznahi ireki ahal izango dira alerta sanitarioa amaitu bitartean.
GARBIGUNEAK (Beasain, Urretxu, Ordizia):
Mankomunitateko hiru garbiguneak zabalik mantenduko dira baina gremio profesionalak eta udaletxeetako zerbitzuak atendituko dituzte soilik. Beraz, herritarrei garbiguneak ez erabiltzeko deia egiten zaie ezinbestekoa ez bada. Ildo horretan, etxeko animalien (maskoten) gorpuak Ordiziko eta Urretxuko garbiguneetan normaltasunez jasoko dira.
Gabiguneetan tasak ordaintzeko modua aldatuko da: tasak ezingo dira eskudirutan edo banku-txartelarekin oirdaindu. Tasak banku helbideratze bidez (ohiko erabiltzaileak) edo banku-transferentzia bidez (erabiltzaile puntualak) ordainduko dira soilik.
BULEGO OROKORRAK (Iturralde-txikiko industrialdea, 3-2. solairua. Beasain):
Bertan behera geratzen dira jendaurreko jarduerak (konpostari buruzko ikastaroak, hitzaldiak, bisitak…) eta administrazioak martxan jarraituko badu ere, jendaurreko harrera zerbitzua egokitu egingo da.
Kontsulta eta eskaera guztiak telefonoz (943 16 15 55) eta posta elektronikoz (info@sasieta.eus) atendituko dira soilik.
Datozen egunetan neurri gehiago hartu beharko balira herritarrei berriro jakinaraziko zaie.
Amaitzeko, Osasun Sailak emandako gomendioak jarraitu eta arduraz jarraitzeko eskaera egiten zaie herritarrei.
LEGAZPIN EDUKIONTZI MARROIA ETA GRISA TXARTEL BERAREKIN IREKIKO DIRA
2020/03/02
© 2025 Sasieta Mankomunitatea
Iturraldetxiki Industrialdea 3 | Salbatore auzoa | Beasain | Tel. 943 16 15 55 Fax. 943 16 06 04
Lege oharra | Irisgarritasuna | Kontaktua