Albisteak 
ARROPA BILKETA ZERBITZUARI BERRIRO EKINGO ZAIO
2020/05/19 | Birziklapena
Koronabirusaren hedapena saihesteko, martxoaren 31n bertan behera geratu zen arropa zaharren bilketa zerbitzua. Maiatzaren 25etik aurrera zerbitzuari berriro ekingo zaio.
Gizarte ekimeneko EMAUS Sozietate Kooperatiboak, arropa bildu eta sailkatzen duen entitateak alegia, zera eskatzen digu:
- Arropa platikozko poltsa itxietan sartu behar da.
- Ahal den neurrian arropa garbitu egin behar da.
- Oinetakoak eta arropa nor bere aldetik atera behar dira, beti ere poltsa itxietan.
- Alfonbrarik edo brukorik ez sartu arropa edukiontzian. Bolumen handiko etxeko traste zaharren bilketa zerbitzuak jasotzen ditu edo garbigunera eraman daitezke.
- Ez sartu berrerabili ezin daitekeen arroparik: azpiko arropa, garbitasuna egiteko trapuak... Hauek errefusa bezala tratatzen dira edukiontzi/kubo grisean.
Halaber, maiatzaren 25etik aurrera mankomunitateak 30 arropa edukiontzi berri instalatzen hasiko da zerbitzua indartzeko. Helburua 1.000 biztanleko arropa edukiontzia bat ratio lortzea.
BOLUMEN HANDIKO ETXEKO TRASTE ZAHARREN BILKETA ZERBITZUARI BERRIRO EKINGO ZAIO
2020/05/06
APIRILAREN 14AN GARBIGUNEAK BETIKO ORDUTEGIRA ITZULIKO DIRA
2020/04/08
Apirilaren 14tik aurrera Urretxu, Beasain eta Ordiziako garbiguneak betiko ordutegira itzuliko dira. Astelehenetik ostiralera: 9:00-12:30 eta 15:30-18:30. Larunbatetan: 9:00etatik 13:00etara.
Garbiguneek gremio profesionalak eta udaletxeetako zerbitzuak atendituko dituzte soilik. Beraz, herritarrei garbiguneak ez erabiltzeko deia egiten zaie ezinbestekoa ez bada. Ordiziko eta Urretxuko garbiguneetan etxeko animalien (maskoten) gorpuak normaltasunez jasoko dira.
Zaldibian bakartuta/berrogeialdian daudentzat oharra
2020/04/06 | Atez ate
Zaldibian indarrean dagoen ATEZ ATEKO hondakin bilketa sistemak BERDIN jarraituko du. Halere hiru ohar garratzitsu kontutan izan:
- Hondakin guztiak kuboen barruan atera behar dira. Ezin da kubotik kanpo ezer atera, ezta pixoihalik ere.
- Hori dela eta, pixoihalentzako hiru edukiontzi jarri dira herrigunean (baita baserri eremuko etxoletan ere).
- Gogoratu: eskularruak, maskarak eta betaurrekoak ez dira kubo horian sartu behar baizik eta kubo grisean.
COVID-19 dela eta, etxean BAKARTUTA/BERROGEIALDIAN egonez gero, hondakinak ez dira bereiztuko eta denak ERREFUSA bezala tratatuko dira.
- Horretarako Zaldibiako Udaletxeko 943 880 357 telefora deitu eta bertatik azalduko da etxe barruan hondakinak nola kudeatu.
- Gainera, udal langileak pasako dira etxetik hondakinak jasotzera aurrez zehazturiko protokolo baten baitan. Bilketa berezi hau, herrigunean nahiz baserri eremuan burutuko da.
Sasieta mankomunitateko webgunean (www.sasieta.eus) berrogeialdian dauden etxeko hondakinen manipulazioari buruzko informazio garrantzitsua dago. Zalantzaren bat baldin badaukazu 943-161555 telefonora dei dezakezu edo bestela info@sasieta.eus helbidera mezua bidali.
Sasieta mankomunitateak edukiontziak desinfektatzeko bi ekipo jarri ditu
2020/03/26
Sasieta mankomunitateak kaleko edukiontziak garbitu eta desinfektatzeko bi ekipo jarri ditu lanaldi osoan. Langileek arreta berezia jartzen ari dira edukiontziek dituzten heldulekuetan eta ahoetan eta baita zoruan ere.
Bi ekipo hauek eskualdeko hainbat udaletxeek (Beasain, Ordizia, Lazkao, Zumarraga, Urretxu…) abian jarri dituzten desinfekzio-ekipoekin koordinatuta ari dira lanean.
Seguran bakartuta/berrogeialdian daudenentzat oharra
2020/03/25
Positiborik gabeko edo bakartuta/berrogeialdian EZ dauden etxebizitzetan, hondakinen bereizketa beti egin ohi den moduan egingo da. Eta gogoratu: eskularruak, maskarak eta betaurrekoak ez dira inoiz edukiontzi horian sartu behar baizik eta errefusarentzako edukiontzian.
Aldiz, COVID-19 dela eta etxean bakartuta/berrogeialdian pertsonak dituzten etxebizitzetan, hondakinak ez dira bereiztuko eta denak errefusa bezala tratatuko dira. Horrelako kasuetan debekatuta dago birziklatzeko beste edozein frakzioren (organiko, ontzi, paper, beira, arropa) edukiontzietan sartzea edo inguruan uztea.
Seguran bakartuta/berrogeialdian dauden etxebizitzek kaskoan dauden pixoihalentzako edukiontzietan botako dituzte etxeko zaborrak poltsa itxi batean. Landa eremuan bizi direnek berriz, etxoletako kanpoko aldean jarritako pixoihalentzako edukiontzia erabiliko dute. Edukiontzi hauek denak irekita daude. Zaborrak ateratzeko laguntza behar izanez gero Gurutze Gorriko 943-161516 telefonora dei dezakezu edo goierri.voluntariado@cruzroja.es helbidera mezua bidali. Etxera joango zaizkizu zaborra jasotzera.
Sasieta mankomunitateko webgunean (www.sasieta.eus) berrogeialdian dauden etxeko hondakinen manipulazioari buruzko informazio garrantzitsua dago. Zalantzaren bat baldin badaukazu 943-161555 telefonora dei dezakezu edo bestela info@sasieta.eus helbidera mezua bidali.
COVID-19 dela eta, PAUSOZ PAUSO etxean bakartuta/berrogeialdian pertsonak dituzten etxebizitzetako hondakinak nola kudeatu.
2020/03/22
Transizio Ekologikoko Ministerioak, Osasun Ministeritzak emandako gomendioak jarraituz, COVID-19 dela eta, etxean bakartuta/berrogeialdian pertsonak dituzten etxebizitzetan sortutako hondakinak behar bezala kudeatzeko Jarraibidea eta Agindua eman ditu.
Etxean bakartuta/berrogeialdian pertsonak dituzten etxebizitzetan hondakinak ez dira bereiztuko eta denak errefusarentzako edukiontzira bideratuko dira. Hauek dira jarraitu beharreko pausoak:
Lehen pausoa:
Gaixo dagoen pertsonak sortutako hondakinak, gaixoak erabili eta botatzeko direnak barne (eskularruak, zapiak, maskarak) plastikozko lehen poltsan (1. POLTSA) sartuko dira, gaixoaren gelan jarritako zabor-ontzi batean (ahal dela, estalkia eta irekitzeko pedala duena).
Bigarren pausoa:
1. POLTSA behar bezala itxi eta gelan bertan irteeratik gertu egongo den plastikozko bigarren poltsan (2. POLTSA) sartuko da. Bigarren poltsa honetan gainera, zaintzaileak erabilitako eskularruak eta maskara sartuko dira eta behar bezala itxiko da gelatik irten baino lehen.
Hirugarren pausoa:
2. POLTSA etxean sortutako gaineratiko hondakinekin batera (organikoa, ontziak, papera, beira…) plastikozko hirugarren poltsan (3. POLTSA) sartuko da, eta behar bezala itxiko da.
Laugarren pausoa:
Aurreko hiru pausoak egin eta berehala eskuak sakonki garbituko dira, ura eta xaboiarekin, 40-60 segunduz gutxienez.
Azken pausoa:
3. POLTSA errefusarentzako edukiontzian bakarrik sartuko da. Erabat debekatuta dago birziklatzeko beste edozein frakzioren (organiko, ontzi, paper, beita, arropa) edukiontzietan sartzea edo inguruan uztea.
KARTEL honetan garfikoki ikus dezakezu.
COVID-19 dela eta, zer egin etxeko hondakinekin?
2020/03/22
COVID-19 dela eta, zer egin etxeko hondakinekin?
a) Positiborik gabeko edo bakartuta/berrogeialdian ez dauden etxebizitzetan, hondakinen bereizketa beti egin ohi den moduan egingo da. Eta gogoratu: eskularruak, maskarak eta betaurrekoak ez dira inoiz edukiontzi horian sartu behar baizik eta errefusarentzako edukiontzian.
b) Etxean bakartuta/berrogeialdian pertsonak dituzten etxebizitzetan ordea, hondakinak ez dira bereiztuko eta denak errefusarentzako edukiontzian bakarrik sartuko dira. Erabat debekatuta dago birziklatzeko beste edozein frakzioren (organiko, ontzi, paper, beita, arropa) edukiontzietan sartzea edo inguruan uztea.
Bakartuta/berrogeialdian zaudetenok hondakinak PAUSOZ PAUSO nola kudeatu behar dituzun zakiteko informazio zehatza albiste honetan daukazu.
Informazio guztia Eusko Jaurlaritzako Osasun Saileko dokumentu honetan eta grafiko honetan daukazu.
ZERTAN BEREIZTEN DIRA KONFINAMENDUA ETA BERROGEIALDIA (BAKARTZEA)?
2020/03/21
KONFINAMENDUA alarma-egoera ebazten duen Gobernuaren dekretuak ezartzen du herritar GUZTIENTZAT. Konfinamenduak irauten duen bitartean baimendutako kasuetarako soilik etxetik atera ahal izango da, hala nola erosketak egiteko, medikuarengana joateko, farmaziara joateko, zaborra ateratzeko, kutxazain automatikora joateko, txakurra paseatzera ateratzeko etab.
Aldiz, osasun-langileek ezarritako berrogeialdian dauden pertsonek, COVID-19rako positibo eman dutelako edo haiekin kontaktu estuan egon direlako, EZINGO dute etxetik irten gaixotasunak irauten duen bitartean.
Berrogeialdian/bakartuta dauden pertsonek hartu beharreko neurriak honako hauek dira:
Etxean bakarturik egoteko neurriak
Etxean bakarturik egoteko neurrien kartela
ARAMA. SASIETA MANKOMUNITATEKO INFORMAZIO-OHARRA (COVID-19)
2020/03/18 | Atez ate
Sasieta mankomunitateak koronabirusaren hedapena saihesteko eta bilketako langileen osasuna babesteko, besteak beste, ondorengo neurriak hartu ditu.
Neurri hauek Araman, atez ate biltzen diren hondakinen bilketan betetzeko dira.
1) Errefusa eta organikoa, behar bezala sailkatuta, KUBOTAN SARTUTA aterako dira soilik. DEBEKATUA dago poltsak zintzilikatzea edota lurrean uztea.
2) PIXOIHALAK dituztenek, kuboarekin batera atera ordez, kaskoan behin behinean espreski jarriko diren PIXOIHALENTZAKO EDUKIONTZI BEREZIETAN sartuko dituzte:
- Kale Nagusia
- Atari
© 2024 Sasieta Mankomunitatea
Iturraldetxiki Industrialdea 3 | Salbatore auzoa | Beasain | Tel. 943 16 15 55 Fax. 943 16 06 04
Lege oharra | Irisgarritasuna | Kontaktua