1. Hasiera
2. Albisteak

Albisteak

Sasieta Mankomunitateak kanpaina berezi bat abiarazi du edukiontzian/kubo horian bildutako ontzien kalitatea hobetzeko.

2025/10/10

Mankomunitatea

Mankomunitatea osatzen duten udalerrietako etxebizitzetan 32.000 diptiko banatuko dira. Diptikoak, oso modu grafikoan, azaltzen du kubo edo edukiontzi  horian zer sartu daitekeen eta zer ez.

Mankomunitateak azpimarratu nahi izan du “PLASTIKO GUZTIAK EZ DOAZELA HORIRA” eta horia "ontzientzat" dela, ez "plastikoentzat". Ontziak bota aurretik erabat hustu behar direla ere gogorarazi du.

Horrekin batera, edukiontzi hori jakin batzuen banakako kontrol- eta jarraipen-kanpaina egingo da; izan ere, nahastutako zabor-poltsak ere antzematen hasi dira, orain arte ez bezala. Kanpaina horretan arau-hausleei ISUNAK jarriko zaizkie.

DIPTIKOA

Iruzkina egin