1. Hasiera
2. Albisteak

Albisteak

GNC GASA HORNITZEKO INSTALAZIOAREN INAUGURAZIOA

2026/09/30 | Murriztea

Mankomunitatea

Irailaren 30ean, asteazkena, inauguratuko da kamioi horiek hornitzen dituen GNK-instalazio berria

Goierri, 2026ko irailaren 24a.-

Sasieta Mankomunitateak aurkeztuko du datorren irailaren 30ean, asteazkenean, Gas Natural Konprimitura (GNK) hornitzeko instalazio berria, azken hilabeteotan gasolioaren ordez teknologia hori txertatu duen hondakin-bilketarako kamioi-flota hornitzeko.

GNKren aldeko apustuak Mankomunitateak jasangarritasunarekin eta Goierriko airearen kalitatea hobetzearekin duen konpromisoari erantzuten dio. 2025eko abuztutik 2026ko abuztura bitartean bildutako datuek trantsizio horrek ingurumenean duen eragin positiboa berresten dute: GNKzko kamioiek 120,4 tona CO2-ren isuria saihestu dute, gasolioarekin funtzionatuz gero isuriko zutenarekin alderatuta, hau da, ibilgailu horien isurietan %22,8ko murrizketa lortu da.

Zeri da baliokidea 120,4 tona CO2?

Aurrezpen horren neurria hobeto ulertzeko, kopuru hori honako hauen baliokidea da, besteak beste:

• 2.000 zuhaitzeko basoa, hau da, 6-7 futbol zelairen adinako azalera.
• Ibilgailu arrunt batek munduari 25 aldiz bira ematea.
• Bidaiari batek Donostia-Madril artean 700 hegaldi egitea.

Isuri gutxiago eta zarata gutxiago

CO2 isurien murrizketaz gain, GNKzko kamioiek bertako airearen kalitatea zuzenean hobetzen laguntzen dute: gasolioarekin alderatuta, erregai honek %95 murrizten ditu osasunean eragin zuzena duten partikulen (PM) emisioak, eta %85 nitrogeno-oxidoenak (NOx). Horrez gain, motorraren zarata pertzibitua %50 murrizten da diesel motordun kamioi arrunt batekin alderatuta, eta horrek bilketa-langileen lan-baldintzak ere hobetzen ditu, baita ibilgailu horiek zeharkatzen dituzten hirigune eremuetako kutsadura akustikoa gutxitu ere.

Ekimen honekin, Sasieta Mankomunitateak bere flota konponbide garbiagoetarantz eraberritzen jarraitzen du, klima-aldaketa arintzeko eta Goierriko udalerrietan ingurumena hobetzeko estrategiaren barruan.

Iruzkina egin