Albisteak 
SASIETA MANKOMUNITATEKO INFORMAZIO-OHARRA COVID-19
2020/03/17
Eusko Jaurlaritzak emandako gomendioak aintzat hartuta, Sasieta mankomunitateak koronabirusaren hedapena saihesteko, besteak beste, ondorengo neurriak hartu ditu.
HONDAKINEN BILKETA ZERBITZUAK:
Hondakinen bilketa zerbitzu guztiak normaltasunez emango dira, atez ateko zerbitzua barne. Bertan behera geratzen da bolumen handiko etxeko traste zaharren bilketa zerbitzua. Deia luzatzen zaie herritarrei, hondakin hauek etxean gorde eta kalera atera ez ditzaten.
Dena dela ALDAKETA bat egingo da: errefusarentzako, organikoarentzako, eta pixoihalentzako edukiontziak eta landa eremuetako birziklaguneetako ateak desblokeatu eta txartelik gabe egunero noiznahi ireki ahal izango dira alerta sanitarioa amaitu bitartean.
GARBIGUNEAK (Beasain, Urretxu, Ordizia):
Mankomunitateko hiru garbiguneak zabalik mantenduko dira baina gremio profesionalak eta udaletxeetako zerbitzuak atendituko dituzte soilik. Beraz, herritarrei garbiguneak ez erabiltzeko deia egiten zaie ezinbestekoa ez bada. Ildo horretan, etxeko animalien (maskoten) gorpuak Ordiziko eta Urretxuko garbiguneetan normaltasunez jasoko dira.
Gabiguneetan tasak ordaintzeko modua aldatuko da: tasak ezingo dira eskudirutan edo banku-txartelarekin oirdaindu. Tasak banku helbideratze bidez (ohiko erabiltzaileak) edo banku-transferentzia bidez (erabiltzaile puntualak) ordainduko dira soilik.
BULEGO OROKORRAK (Iturralde-txikiko industrialdea, 3-2. solairua. Beasain):
Bertan behera geratzen dira jendaurreko jarduerak (konpostari buruzko ikastaroak, hitzaldiak, bisitak…) eta administrazioak martxan jarraituko badu ere, jendaurreko harrera zerbitzua egokitu egingo da.
Kontsulta eta eskaera guztiak telefonoz (943 16 15 55) eta posta elektronikoz (info@sasieta.eus) atendituko dira soilik.
Datozen egunetan neurri gehiago hartu beharko balira herritarrei berriro jakinaraziko zaie.
Amaitzeko, Osasun Sailak emandako gomendioak jarraitu eta arduraz jarraitzeko eskaera egiten zaie herritarrei.
LEGAZPIN EDUKIONTZI MARROIA ETA GRISA TXARTEL BERAREKIN IREKIKO DIRA
2020/03/02
URTARRILAREN 30EKO GREBA OROKORRA
2020/01/27
Sasieta mankomunitateko zein “Goierri Garbia” bilketa-enpresako langileok bat egin dugu grebarekin. Ondorioz, asteazken gauean eta ostegunean egun osoan eskaintzen diren zerbitzuetan izango du eragina: zerbitzu orokorrak, garbiguneak, herrietako, ostalaritzako eta industrialdeetako bilketak.
Zehatzago jakiteko sartu albistean.
Garbigune Zerbitzuaren Ordenantza
2020/01/09
Sasieta Mankomunitatearen Zuzendaritza Batzarrak, 2019ko urriaren 2an egindako ezohiko bileran, erabaki zuen, besteak beste, aho batez, Garbigune Zerbitzuaren Ordenantza hasieraz onartzea.
Erreklamaziorik aurkeztu gabe epea amaitu ostean, erabakia behin betikoz onartutzat jo da eta testu osoa GAOean argitaratuko da.
Garbigune Zerbitzuaren Ordenantza
ALDAKETAK ZERBITZUETAN 2019KO GABONETAN
2019/12/17
Gabon jaiak direla eta, bilketa zerbitzuan hainbat aldaketa izango dira:
Itsasondon, Zaldibian eta Seguran, atez ateko bilketa: Abenduaren 24an eta 31an ez da ontzirik atera behar. Hurrengo egunean atera, hau da, 25ean eta 1ean, berez egokitzen den frakzioarekin batera eta bilketa bikoitza (Zaldibian hirukoitza) egingo da.
Tamaina handiko traste zaharren bilketa: Abenduaren 24an ez dira trasteak atera behar. Hurrengo egunera atzeratuko da bilketa. Beraz, Lazkaon, Seguran, Zerainen eta Zegaman 25ean atera beharko dira trasteak.
Abenduaren 31an gauza bera Lazkaon. Trasteak hurrengo egunean aterako dira, urtarrilaren 1ean.
Komertzioetako bilketa bereziak: Abenduaren 24ko eta 31ko bilketak ez dira egingo (organikoa eta kartoia).
Garbiguneak itxita izango dira: abenduaren 24ean, 25ean eta 31ean; eta urtarrilaren 1ean eta 6ean.
Emakumeen aurkako indarkeria desagerrarazteko eguna
2019/11/26 | Birziklapena
Sasietako mankomunitateko Goierri Garbiako langileek bat egin dute “Emakumeen aurkako indarkeria desagerrarazteko eguneko” ekimenarekin. Hau ikustarazteko hondakin-bilketan aritzen diren langileek txaleko moreekin lan egin dute. Argazkietan ikusi daitezke eguneko nahiz gaueko txandetako langileak txalekoekin.
Astean behin irekitzen den errefusarentzako edukiontzia Gabirian
2019/11/15
Itsasondondoko konpostagailuak ezagutzen egon da Txinako delegazio bat
2019/10/04 | Konpostajea
Itsasondoko auzokonposta guneak ezagutzen txinatarrak.
URRETXUKO JAIETAN, KOMERTZIOTAKO BILKETAN ALDAKETAK
2019/09/20
URRETXUKO JAIETAN, KOMERTZIOTAKO BILKETAN ALDAKETAK
Urretxuko jaiak direla eta, zentroan (Areizaga, Gernikako arbola, Kalerrota, Nekolalde eta Iparragirre kaleetan) hondakin bilketa komertzialak izango dituen aldaketen berri eman nahi dizugu. Irakurri albiste osoa aldaketa guztiak ikusteko.
URRETXUKO JAIAK DIRELA ETA GARBIGUNEA ITXITA
2019/09/20 | Birziklapena
Urretxuko Santa Anastasia jaiak izanik Urretxuko Garbigunea itxita izango da astelehenean hilak 23.
Barkatu eragozpenak.
© 2025 Sasieta Mankomunitatea
Iturraldetxiki Industrialdea 3 | Salbatore auzoa | Beasain | Tel. 943 16 15 55 Fax. 943 16 06 04
Lege oharra | Irisgarritasuna | Kontaktua