Albisteak 
Garbiguneen egutegia Gabonetan
2022/12/23
ORDIZIAKO BILKETA KOMERTZIALEAN ALDAKETAK
2022/12/23
Gabonetako jai egunak direla eta, hondakin bilketa zerbitzuek izango dituzten aldaketen berri eman nahi dizugu. Abenduaren 24ean (larunbata) eta abenduaren 31ean (larunbata), ontzi arinen bilketa pertsonalizatua ez da egingo. Hau dela eta, egun hauetan, zuen establezimenduko edukiontzi horiak ez ateratzea eskatzen dizuegu. Gainontzeko egunetan, bilketa pertsonalizatua normaltasunez burutuko da.
Informazio gehiago 943 16 15 55 telefonoan eskuratu dezakezue.
Adeitasun osoz, gabon zoriontsuak eta urte berri on.
Aurretiazko kontsulta publikoaren onespena-2
2022/10/24
Sasieta mankomunitateko lehendakariak, 2022-10-21eko Ebazpenaren bidez, azterketarako eskubideengatik tasak arautzen dituen zerga ordenantza idazteko, aurretiazko kontsulta publikoa onartzea ebatzi du.
Sasietako transferentzia estazioak amaiera eman dio Gipuzkoako hiri hondakinak kudeatzeko zirkuituari
2022/09/20 | Birziklapena
GHK-k 2016. urteaz geroztik abian jarritako zortzigarren azpiegitura da Sasietako transferentzia estazioa. Gainera, Gipuzkoako Hiri Hondakinak Kudeatzeko Plan Orokorrak (GHHKPO) aurreikusten duen azkena da, Gipuzkoan sortzen diren hiri hondakin guztien kudeaketa jasangarria osatzeko (bilketatik hasita, tratatu eta berreskuratu arte).
SANTA ANASTASIA JAIAK, URRETXU: GARBIGUNEA ITXITA
2022/09/13
Urretxuko jaiak direla eta, Deskargako Garbigunea itxita egongo da hilaren 19an, astelehena.
Behar dutenentzat gainontzeko garbiguneak, Beasaingoa eta Ordiziko, irekita izango dira.
SASIETA ETA ZEGAMA-AIZKORRI LASTERKETA ELKARLANEAN
2022/06/07
Zegama-Aizkorri lasterketaren aurtengo edizioa erabat arrakastatsua izan da, bai kirol arloan, bai ingurumenaren arloan. Beste behin ere, Sasieta Mankomunitateak eta lasterketaren antolakuntzak lankidetza estua izan dute ingurunea zaintzen eta, zehazkiago, hondakinen kudeaketan.
Ohiko gaikako bilketaz gain, edizio honetan esperientzia pilotu berritzaile bat abaitu da, hau da, korrikalariei eskaintzen zitzaizkien ur-botilak berreskuratu dira hornidura-puntuetan, inguruko enpresa batean birziklatzeko. Enpresa horrek, aldi berean, boligrafoak egingo ditu Zegamako ikasleentzat. Informazio gehiago TrailRun kanalean antolakuntzako Ramon Malkorrari egin zitzaion elkarhizketa honetan:
GIPUZKOAKO KONPOSTA ZURI ESKER.
2022/04/12
“Gipuzkoako konposta” ezagutarazteko kanpainarekin jarraituz, aurten ere 3-4 kiloko zakuak banatuko dira. Konpost hau herritarrok etxean sailkatu dugun organikotik abiatuta egiten da.
Edizio honetan konposta Mankomunitateko 3 garbiguneetan soilik banatuko da (Ordizia, Beasain eta Urretxu). Konposta jaso ahal izateko, nahikoa da herritarrak bere datuak garbigunean ematea. Zaku bat emango da pertsona bakoitzeko, amaitzen diren arte.
Gogoratu hau dela kanpainaren 3. edizioa, eta betiere oso harrera ona izan duela.
Aste Santuko jaien ondoren hasiko da banaketa, garbiguneak Ostegun Santutik Pazko Astelehenera itxita izango baitira, larunbata barne.
ASTE SANTUAN INDUSTRIALDEETAKO BILKETA
2022/04/05
Aste Santuko jai egunetan ez da egurra bilduko. Gainerako hondakin frakzioak ohiko egutegiaren arabera burutuko dira, hau da, bilketa zerbitzuek ez dute jai egunik egingo.
Suhiltzaileek ibaira botatako edukiontzi bat erreskatatu dute
2022/03/23
Joan den martxoaren 20an, Sasieta Mankomunitateko pixoihalentzako edukiontzi bat agertu zen Oria ibaian. Ordiziako Joseba Rezola pasealekuan zegoen, garai bateko “Bomberia” parean, ibaia zeharkatzen duen pasabidetik oso gertu.
Edukiontzia ibaira bota zuten asteburuan, eta oso zaila zen bertara iristea. Asteazken honetan, martxoaren 23an, Ordiziako Suhiltzaileen Parkeko talde batek edukiontzia ibaitik ateratzea lortu du. Eskerrak ematea besterik ez zaigu geratzen “erreskate” berezi honengatik, hurrengo ur-goraldian edukiontzia itsasoan ez bukatzeagatik eta edukiontzia berriro ordiziarren eskura jartzeagatik. Milesker!
GARBIGUNEEN ORDUTEGIA ABENDUKO ZUBIAN
2021/11/29
Abenduaren 4an, larunbata, garbiguneak zabalik izango dira. 9:00-13:00.
Abenduaren 6an eta 8an, astelehena eta asteazkena: ITXITA.
Abenduaren 7an, asteartea: Beasaingo eta Urretxuko garbiguneak ZABALIK (9:00-12:30 / 15:30-18:30). Ordizia ITXITA.
© 2025 Sasieta Mankomunitatea
Iturraldetxiki Industrialdea 3 | Salbatore auzoa | Beasain | Tel. 943 16 15 55 Fax. 943 16 06 04
Lege oharra | Irisgarritasuna | Kontaktua